میوانانی ئازیز و بەرێزان ئيوارەتان باش 

 بەڕێز ..جین شین :  یاریدەدەری وەزیری فەرمانگەی نێودەوڵەتی لێژنەی ناوەندی حزبی شیوعی چین.

بەرێز ... كاك مصطفى سيد قادر.... جێگری سەرۆکی هەرێمی کوردستان

بەڕێز ... تسوى وى :  باڵیوزی كۆماری چینی میللی لە عێراق

بەڕێز ... لیو جیون :  سەرقونسڵی گشتی چین لە هەرێمی کوردستان

بەڕێز... کاک سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان.

بەڕێز... کاک فلاح مستەفا ، ڕاوێژکاری باڵای کاروباری دەرەوەی سەرۆکی هەرێمی کوردستان

بەڕێز ...کاک ئومێد خوشناو : پارێزگاری هەولێر

بەڕێز  هاورێ ئەبو کاروان :  سکرتێری کۆمیتەی ناوەندی حزبی شیوعی کوردستان.

بەرێزان ... سكرتێر و ئەندامانی مەکتەبی سیاسی و سەرکردایەتی حزب و لایەنە سیاسیەکان.

میوانانی قەدر گران.

 بەناوی ناوەندی لێکۆڵینەوەی دەستپێشخەری شارستانیەتی جیهان خۆشحاڵین بە ئامادەبوونتان.  بەخێرهاتنتان دەکەین بۆ ئەم بۆنە گرنگە فیکری و مرۆییە.

 ناوەندی لێکۆڵینەوەی دەستپێشخەری شارستانیەتی جیهان، وەک یەکەمین سەنتەر  لە ڕۆژهەڵاتی ناوەڕاست، هەوڵدەدات گفتوگۆی نێوان شارستانیەتەکان پەرەپێبدات و بەها مرۆییە هاوبەشەکان بچەسپێنێت.

دامەزراندنی ئەم ناوەندە لە تێگەیشتنێکی قووڵەوە دێت کە جیهانی ئەمڕۆ، سەرەڕای پێشکەوتنەکانی، هێشتا ڕووبەڕووی ئاستەنگەکانی ململانێی شوناس، قسەی ڕق و کینە، و دابەشبوون دەبێتەوە.

لەم چوارچێوەیەدا، دەستپێشخەری شارستانیەتی جیهانی، کە لەلایەن سەرۆکی چین بەرێز (شی جینپینگ) دەستپێکراوە، وەک پڕۆژەیەکی جیهانی بۆ هاوکاری و پێکەوەژیان دێت. ئێمە لەم ناوەندەدا ئیلهاممان لەم دەستپێشخەرییە وەرگرتووە و کار دەکەین بۆ:

1.    ڕێزگرتن لە هەمەجۆریی شارستانیەتەکان لەسەر بنەمای یەکسانی و لێبوردەیی، بۆیە ئێمە لۆژیکی "بەریەککەوتنی شارستانیەتەکان" ڕەتدەکەینەوە و باوەڕمان بە "پەیوەندی شارستانیەتەکان" هەیە.

2.    دامەزراندنی بەها مرۆییە هاوبەشەکان وەک ئاشتی، گەشەپێدان، دادپەروەری، وئازادی.

3.    پاراستن و مۆدێرنەکردنی کلتوری ڕۆشنبیری بەبێ سازشکردن لەسەر ڕەسەنایەتی.

4.    بەرەوپێشبردنی هاوکاریی فەرهەنگی و مرۆیی نێودەوڵەتی لە پێناو بەهێزکردنی هاوبەشی زانستی، ئاڵوگۆڕی ئەکادیمی.

ئێمە لەم ناوەندەدا، خۆمان دەخەینە خزمەتی ئەم ئامانجانە . هەوڵدەدەین شارستانیەت ببێتە سەکۆیەک بۆ لێک نزیکبوونەوە ،گەشەپێدان، و پردێک بۆ مرۆڤایەتی.

لە کۆتایی چاوەڕوانی هاوکاری بەرهەمدارین لەگەڵ هەموو ئەو دامەزراو و کەسانەی کە باوەڕیان وایە جیهان سەرەڕای هەمەچەشنییەکەی، دەتوانێت لە دەوری بەهاکانی دادپەروەری و کەرامەت و ڕێزگرتنی یەکتر یەکبگرێت.

 

  

سوپاس .... دووبارە  بەخێربێن.